ليه الحياة ماعدش ليها طعم

ياااااااااااه .... يااااااه

ايه الملل ده ... ايه الروتين اللي الواحد بقى فيه ... ليه الحياة ماعدش ليها طعم .. ماعدش ليها معنى ....

فاكرين ... فاكرين اول لما الواحد التزم ... كان فيه روح حلوة قوي قوي جوانا ..

كان فيه حب مالي قلوبنا ... حب الواحد مش قادر يوصفه ... حب غير طبيعي .. غير طبيعي ... كنت بتحس بنشوته قوي .. كنت عايش

بيه ... بتتنفس بيه .. بتشرب بيه ... بتاكل .. بتلبس .. بتتكلم ... بتعمل كل صغيره وكبيره في حياتك بيه ...

وياسلام على الليل ..... ليل الهوى ... على وقت السحر ... لما تقف بين ايدين حبيبك .. ومن فرط الحب فعلا تحس بالدموع الحارة على

خدودك ... مش عارف هي حارة ليه ... ياترى من حبه .. من شوقك ليه ... ولا من خوفك انك تكون مزعله ... ولا من ندمك على اللي

فات من عمرك وانت بعيد عنه .... مش عارف ...

لكن كل اللي عارفه انك بتبكي ... بتبكي جامد .... وحتى البكا ... كان بحب ... وبحب جامد ...... ياااااااااه ... سبحان الله ... فعلا على

الحب ده ... اللي حتى وانت بتفتكره ... قلبك بيتحرك جامد ... ايه عنيك دمعت ... افتكرته ... افتكرت حبيبك اللي انت بعدت عنه ..

.

افتكرت حبيبك اللي لسه فاتحلك بابه ... افتكرت حبيبك اللي لسه فاكرك .. ولسه بيحبك ...

.... لسه بيحبك والله ... رغم قساوة قلبك ... لسه بيحبك وبينعم عليك .... لسه بيبعتلك رسايل ربانيه ... لسه .... ولسه ... ولسه ..

وانت ... وانتي ... لسه ... مش ناويين ترجعوا .... للحب الأولي ... طيب بس حاولوا ....

افتكروا كلامي وانتوا بتصلوا ... لما تسجد بلاش سبحان ربي الأعلى ... سبحان ربي الأعلى ... سبحان ربي الأعلى ... وتقوم قايم على

طول ... استنى شويه .. أنت محتاج الحضن ده ... لو استنيت ومن غير حتى ماتقول

حاجه ... اتحداك لو محستش بالحضن ده .... وكأن حد بيحضنك جامد وبيطبطب عليك

وبيقولك ... اهدى ... اهدى ...انا هنا .. انا جنبك ... ماتخفش ... انت في حمايتي ... سبحان الله ....